Akureyri hefur getið sér gott orð í umhverfismálum og er þar í forystusæti. Akureyrarbær á stöðugt að sækja fram af metnaði í bæði umhverfis- og samgöngumálum. Akureyri á að vera í forystu þegar kemur að orkuskiptum í samgöngum. Við viljum halda áfram að vinna að hugmyndum um sjálfbæra þróun og þróunarvinnu Vistorku að kolefnishlutlausu samfélagi.
Markmið
- Að Akureyri verði áfram leiðandi sveitarfélag í umhverfismálum.
- Að fráveitan verði til fyrirmyndar.
- Að vélakostur bæjarins verði vistvænn.
- Að lögð verði áhersla á hreinan og þrifalegan bæ
Leiðir
- Umhverfisstefna bæjarins verði að fullu innleidd.
- Akureyri verði í fararbroddi við flokkun, meðferð og endurvinnsla úrgangs.
- Svifryk fari aldrei yfir skilgreind heilsuverndarmörk.
- Aukin fræðsla fyrir íbúa og ferðamenn um flokkun.
- Hættum allri óþarfa saltnotkun á götum.
- Þrífum bæinn betur og drögum þannig úr loftmengun.
- Fjölgum hleðslustöðvum og gerum átak í að fjölga möguleikum einstaklinga á að hlaða bíla nálægt heimilum sínum.
- Sett verði metnaðarfull markmið um að auðvelda orkuskipti og þeim náð m.a. í samvinnu við Norðurorku í bílastæðahúsum og á lóðum fyrirtækja.
- Beinar aðgerðir til að fegra og snyrta, hjá fyrirtækjum og einstaklingum.
- Laga þarf ýmis útivistarsvæði og fjölga afþreyingarmöguleikum. Mikilvægt er að íbúar taki þátt í að móta umhverfi sitt í gegnum hverfisnefndir.
- Fráveitumál verði tekin föstum tökum og strandlengjan hreinsuð.
- Bærinn annist áfram grasslátt á lóðum og blettum í eigu bæjarins.
- Allar bifreiðar og vinnuvélar í eigu Akureyrarbæjar verði knúnar innlendum vistvænum orkugjöfum.
- Vinna að orkuskiptum á skipum þegar þau liggja við bryggju á Akureyri, hvort sem það eru skemmtiferðaskip, fiskiskip eða hvalaskoðunarskip.
- Samræma þarf merkingar og skilti innan bæjarins sem og að bæta við merkingum á ensku.
- Halda áfram að merkja sögufræga staði og hús.
- Akureyringar verða hvattir til að hugsa vel um eigin hús og lóðir, t.d. með því að veita umhverfisviðurkennningar.
- Minnka matarsóun, fundnar verði leiðir til að draga úr matarsóun í mötuneytum bæjarins.
- Bætum umbúðamenningu með það að markmiði að draga úr plastnotkun.
- Auka jafnt og þétt við gang-, hjóla og reiðstíga. Gerum bæinn hjólavænan.
- Átak verði gert í að útrýma óæskilegum gróðri í Hrísey.