Gott skipulag auðveldar daglegt líf okkar allra. Greið leið í skóla og vinnu, stuttar vegalengdir. Þéttari byggð leiðir af sér orkusparnað og minni mengun. Öflugar samgöngur við höfuðborgarsvæðið og við útlönd skipta miklu máli í nútímaþjóðfélagi.
Markmið
- Að þétta byggð þar sem því verður við komið.
- Að skipulagsmál og lóðaúthlutanir verði unnin í gagnsæju ferli.
- Að gert verði ráð fyrir nýrri höfn á Dysnesi og að íbúðabyggð á Oddeyrartanga verði langtímamarkmið.
- Að unnið verði markvisst að því að gera Akureyri vistvænni og vinna að því að uppfylla Parísarsáttmálann.
- Að standa vörð um flugvöll á höfuðborgarsvæðinu.
- Að leggja allar raflínur innan bæjarmarka í jörð
- Að lokið verði við uppbyggingu á Akureyrarflugvelli.
Leiðir
- Komum upp vef betriakureyri.is til þess að auðvelda Akureyringum að hafa áhrif á umhverfi sitt.
- Lokið verði við deiliskipulag fyrir öll hverfi bæjarins.
- Bjóða út tilbúnar lóðir í grónum hverfum.
- Bæta þarf vagni við strætókerfi bæjarins.
- Skoða þarf fleiri lausnir til að takmarka hraðakstur á götum bæjarins.
- Tökum upp samning við KA um Akureyrarvöll og efnum til hugmyndasamkeppni um framtíðaruppbyggingu svæðisins.
- Ráðist verði í heildstæða vinnu við stígakerfi bæjarins enda hjóla- og göngustígar sífellt mikilvægari samgönguæðar.
- Gert verði gagnvirkt kort yfir stígana sem verður aðgengilegt í snjallsímum.
- Bærinn marki sér stefnu um að liðka til fyrir uppbyggingu eldri hverfa, s.s. með uppkaupum eigna.
- Sérstaklega verði hugað að samgöngumálum við Hrísey og Grímsey. Það þarf að gerast í samvinnu við ríkisvaldið sem heldur úti samgöngum við eyjarnar.
- Aukin áhersla verði lögð á góða samvinnu við hverfisnefndir um umhverfis- og skipulagsmál.
- Að skipulagsmál verði færð í rafrænt notendaumhverfi.
- Nægt framboð lóða til íbúða og atvinnustarfsemi verði tryggt.
- Umsóknum til skipulagsdeildar verði svarað innan tveggja virkra daga um hvort að nauðsynleg gögn með umsókn liggi fyrir og svarið gert aðgengilegt inni á íbúagátt.
- Reykjavíkurflugvöllur hefur mikla þýðingu fyrir íbúa Akureyrar. Flugvöllurinn á að vera í Vatnsmýrinni þar til önnur og betri lausn finnst.