Tilgangurinn með stjórnsýslunni er að þjónusta íbúa Akureyrarbæjar og við hjá L-listanum gerum þá kröfu að viðhöfð séu fagleg vinnubrögð, erindum sé svarað fljótt og að ákvarðanir séu teknar út frá almennum forsendum. Fólk á að geta treyst því að jafnræði og sanngirni séu viðhöfð í stjórnsýslunni.
Markmið
- Að fagleg vinnubrögð og gagnsæi verði aðalsmerki stjórnsýslu Akureyrar.
- Að jafnréttis og jafnræðis verði gætt í hvívetna.
- Að innleiða rafræna stjórnsýslu.
- Að tryggja íbúalýðræði.
- Að auka hlut þjónustu- og gæðakannana.
Leiðir
- Faglega ráðinn bæjarstjóri, sem er sameiningartákn allra íbúa sem og stjórnmálaafla.
- Allar ákvarðanir og gjörðir kjörinna fulltrúa og embættismanna skulu einkennast af faglegum vinnubrögðum og gagnsæi.
- Störf hjá bænum verði auglýst á landsvísu og unnið með allar umsóknir á faglegan hátt.
- Gerðar verði reglulegar þjónustu- og gæðakannanir á afgreiðslu erinda sem berast stjórnsýslunni.
- Jafnræðis skal gætt þegar gæðum bæjarins er úthlutað og leikreglur virtar.
- Sett verði fram skýr og markviss stefna um rafræna stjórnsýslu.
- Gerum bæjarbúum kleift að sinna erindum sínum rafrænt.
- Íbúalýðræði verði skilgreint nákvæmlega og tillögur gerðar um hvenær það beri að virkja.
- Starf hverfisnefnda verði eflt m.a. með fjárveitingarvaldi.
- Bæjarstjórn Akureyrar verði opin fyrir sameiningu við nágrannasveitarfélög.
- Íbúakorti verði komið á, þar sem Akureyringum gefst kostur á að nýta þjónustu bæjarins á góðum kjörum.