Akureyri er menningarbær. Öflugt lista- og menningarlíf glæðir allt mannlíf í bænum og laðar að sér ferðamenn. L-listinn vill efla enn frekar menningarstofnanir bæjarins. Blómlegt menningarlíf endurspeglar samfélagið og veitir lífsfyllingu.
Markmið
- Að efla menningarstarf fyrir alla aldurshópa.
- Að Akureyri standi jafnfætis Reykjavík þegar menningarstyrkjum er útdeilt.
- Að tengja enn betur starfsemi menningarstofnana inn í skólastarf.
- Að fjölbreytt menningarstarf verði aðdráttarafl fyrir Akureyri.
Leiðir
- Efla menningar- og listalíf í atvinnulegu tilliti.
- Menningarsamningar við ríkið verði sambærilegir því sem menningarstofnanir í Reykjavík eru með.
- Vinna safnastefnu.
- Ramma inn barnamenningu með áherslu á menningu með börnum og fyrir börn.
- Barnamenningarhátíð verði haldin árlega t.d. undir hatti verkefnastjóra barnamenningar.
- Menningarstofnanir bæjarins komi með virkari hætti að starfi frístundar í grunnskólunum í því augnamiði að virkja ungmenni til athafna.
- Fjölga skapandi sumarstörfum. Öll ungmenni ættu að hafa tækifæri til að taka þátt í þeim.
- Hlúa að lista- og menningarstarfsemi í Listagili sem er einstakt á Íslandi og nýta vel þau tækifæri sem skapast með endurnýjuðu Listasafni.
- Efna til árlegrar hugmyndasamkeppni um skreytingar Listagilsins.
- Söngvaflóð samvinnuverkefni TónAk og grunnskólanna er dæmi um vel heppnað frumkvöðlastarf, eflum slíkt
- Styðjum við starf Leikfélags Akureyrar, Sinfóníuhljómsveitar Norðurlands og Hofs undir merkjum MAk
- Styðjum við listnám á háskólastigi
- Menning og listir verði einn af lykilþáttum í markaðsstarfi Akureyrar.
- Nýta betur möguleika Hofs til ráðstefnuhalds.