L – listinn leggur áherslu á að jafnrétti verði í öndvegi. Við höfnum hvers konar mismunun sem gerir greinarmun á fólki. Við viljum sveitarfélag þar sem íbúar eru jafnir án tillits til kyns, þjóðernis, trúar, aldurs, fötlunar, fjárhags eða annarrar stöðu.
Markmið
- Að jafnrétti verði í öndvegi.
- Að óútskýrðum launamun kynjanna verði útrýmt og Akureyrarbær fái jafnlaunavottun.
- Að Akureyrarbær verði fjölskylduvænni vinnustaður.
- Að aðgengismál í bænum verði bætt .
- Að fylgja eftir Barnasáttmála Sameinuðu þjóðanna.
Leiðir
- Jafnrétti kynjanna á að vera ófrávíkjanleg regla í allri stjórnsýslu Akureyrarbæjar.
- Umræða um jafnréttismál á vettvangi bæjarins verði efld.
- Áfram verði unnið markvisst að því að leiðrétta óútskýrðan launamun kynjanna.
- Styðja bætt launakjör kvennastétta.
- Sérstök áhersla verði á að Akureyrarbær og stofnanir hans bjóði hlutastörf, sveigjanlegan vinnutíma, fjarvinnu og styttri vinnudag.
- Gera tilraunir með styttingu vinnuvikunnar.
- Gerð verði úttekt á aðgengismálum hjá Akureyrarbæ í samstarfi við hagsmunasamtök og að aðgengi fólks með skerta hreyfigetu verði bætt hjá öllum stofnunum bæjarins.
- Innleiðing Barnasáttmála Sameinuðu þjóðanna og öll ákvæði hans verði virt, ekki síst það að einstaklingar eru börn til átján ára aldurs.
- Börn og ungmenni verði höfð með í ákvarðanatöku um málefni þeirra þegar það á við. Sama gildir um aðra hópa.
- Samvinna nefnda bæjarins við ungmennaráð, notendaráð fatlaðra og öldungaráð verði aukin.
- Við höfnum hvers konar mismunun sem gerir greinarmun á fólki, t.d. eftir kynþætti, kynferði, tungu, trú, þjóðerni, kynhneigð, búsetu eða stjórnmálaskoðunum.