L-listinn vill að sveitarfélagið skapi hagkvæm skilyrði fyrir atvinnulífið og stuðli að stofnun og rekstri nýrra fyrirtækja sem og að styðja við eldri. Sveitarfélagið á að vera reiðubúið til að auka eigin fjárfestingar tengdar atvinnuuppbyggingu, s.s. á Akureyrarflugvelli, og styðja þannig við verkefni sem skila tekjum í framtíðinni. Vinna þarf að markvissri markaðssetningu bæjarins fyrir innlenda og erlenda fjárfestingu. L-listinn vill að nýsköpun verði öflug stoð í fjölbreyttu og kröftugu atvinnulífi. Munum að mörg stórfyrirtæki í heiminum byrjuðu í bílskúr. Fjölgum íbúum, sköpum ný atvinnutækifæri og tryggjum að í Eyjafirði verði blómleg byggð til framtíðar.
Markmið
- Að koma á beinu millilandaflugi og treysta tengiflug við Keflavík.
- Að styrkja Akureyri sem áfangastað og auka aðdráttarafl bæjarins að vetrarlagi.
- Að fjölga íbúum - Markaðsetjum Akureyri - ,,Hér er best að búa".
- Að efla frumkvöðlastarfsemi.
- Að verja þau störf sem fyrir eru.
- Að fjölga atvinnutækifærum.
Leiðir
- Koma á beinu millilandaflugi með beinni þátttöku bæjarins við að tryggja fjármagn.
- Klára uppbyggingu á flughlaði og flugstöð á Akureyrarflugvelli.
- Þrýsta á ríkisvaldið um aðgerðir til að jafna flutningskostnað.
- Jafna eldsneytiskostnað til að auka samkeppnishæfni svæðisins.
- Hefja samtal við nágrannasveitarfélög um kosti sameiningar sveitarfélaga með það að markmiði að styrkja Eyjafjarðarsvæðið enn frekar.
- Verja opinber störf í bænum og herja á ríkið um flutning nýrra starfa.
- Markaðssetja Akureyri í samvinnu við fyrirtækin á svæðinu - ,,Hér er best að búa“
- Efla samstarfsvettvang Akureyrarbæjar og atvinnulífsins.
- Skapa ákjósanleg skilyrði fyrir atvinnulífið, styrkja innviði svo sem samgöngur og lóðarframboð og tryggja næga orku.
- Stefna á samrekstur Atvinnuþróunarfélags Eyjafjarðar og Eyþings.
- Hefja uppbyggingu þjónustu- og iðnaðarsvæðis við Dysnes.
- Efla Hafnarsamlagið út með firði og nýta tækifæri sem skapast samhliða.
- Tryggja nægilega raforku til atvinnuuppbyggingar í samvinnu við Landsnet og með uppbyggingu smávirkjana og vindorku.
- Gera meira úr sérstöðu Hríseyjar og Grímseyjar og vinna náið með heimafólki að þróun fjölbreyttari atvinnustarfsemi.
Ferðaþjónusta
- Akureyrarbær stígi ákveðnar inn í að opna gátt inn í landið um Akureyrarflugvöll.
- Ríkið og Isavia verði krafið svara um áform sín um þjónustu á Akureyrarflugvelli.
- Halda áfram með uppbyggingu í Hlíðarfjalli með það að markmiði að það verði áfangastaður allan ársins hring.
- Tökum að okkur eftirlit með Airbnb í samstarfi við ríkið.
- Lokið verði við framkvæmdir við Sundlaug Akureyrar.
- Listagilið verði aðdráttarafl og eflist sem áfangastaður.
- Uppbygging Nökkvasvæðis og Drottningarbrautar bjóði upp á fjölbreytta útivistarmöguleika og framboð á afþreyingu fyrir ferðamenn.
- Merkingar verði bættar og upplýsingaskiltum fjölgað.
- Áfram verði frítt í strætó.