Brúum bilið

Það getur verið mikill streituvaldur fyrir foreldra að fara út á vinnumarkaðinn á ný að loknu fæðingarorlofi þegar kemur að því að finna dagvistunarúrræði fyrir barnið sitt. 

Við í L – listanum ætlum að setja barnafjölskyldur í forgang með því að leggja ríka áherslu á að vera með fjölbreyttar leiðir í boði fyrir börn að loknu fæðingarorlofi. 

En hvað ætlar L – listinn að gera í dagvistunarmálum á kjörtímabilinu?

• Setja á laggirnar ungbarnadeildir/ungbarnaleikskóla
• Lækka hlut foreldra þegar kemur að greiðslum til dagforeldra
• Bjóða upp á gjaldfrjálsan leikskóla 6 klukkustundir á dag
• Heimgreiðslur til foreldra/forráðamanna

Við hjá L – listanum erum þeirrar skoðunar að foreldrar eiga aldrei að standa úrræðalausir þegar kemur að því að finna dagvistun fyrir barnið sitt, brúum bilið. Við þurfum meiri sveigjanleika og meira val. Setjum x við L – listann á kjördag og veljum aukin LÍFSGÆÐi fyrir barnafjölskyldur.